गदिमा नवनित
  • चंदनी चितेत जळाला चंदन,
    सुगंधे भरुन मर्त्यलोक!.
मराठी युनिकोड फॉन्ट
जोगिया (संगीत: सुरेशदा देवळे) | Jogia (Music: Suresh Devle)
  • जोगिया हा गदिमांचा पहिला काव्यसंग्रह,प्रस्तावनेत गदिमा म्हणतात जीवनव्यवसाय म्हणून लेखणीशी अनेकदा बेईमानी करण्याचा प्रसंग मजवर आला-येतो आहे.या संग्रहातील कविता ही मात्र व्रतस्थपणे केलेली काव्यनिर्मिती आहे.या संग्रहाला जोगिया असे नाव म्हणूनच द्यावेसे वाटले.

    गदिमांच्या जोगिया संग्रहातील निवडक १६ कवितांना चाली लावल्या आहेत सुरेशदा देवळे यांनी,गायक आहेत श्रीधर फडके,उत्तरा केळकर,रविंद्र साठे,चारुदत्त आफळे,ज्ञानदा परांजपे.गदिमांचे नातू सुमित्र माडगूळकर यांनी या अल्बमची निर्मिती केली आहे.
  • Box-C-16
  • सर्वाभूती रंगे देव
    Servabhuti Range Dev

  • गीतकार: ग.दि.माडगूळकर      Lyricist: Ga.Di.Madgulkar
  • संगीतकार: सुरेशदा देवळे      Music Composer: Sureshada Devle
  • गायक: रविंद्र साठे      Singer: Ravindra Sathe
  • अल्बम: जोगिया      Album: Jogia





  •     MP3 player is mobile compatible
        (हा प्लेअर मोबाईल वर पण चालतो)

  • देव पुंडलीक झाले ,ब्रम्ह भक्तीचे भेटले
    आला राऊळी चढून, चोखामेळ्याचा पाषाण
    देव उतरले खालीं, जिव-शिव भेटी झाली
    हरी,हरीजन धाले, भेद यातींचे संपले

    आता नुरे यातिगोत, धर्म एक भागवत
    मोक्षमार्गाची माउली, चंद्रभागा संतोषली
    तीर्थी नाहताती संगे, शुद्ध-मळीणांची अंगें
    सानें समत्व बाहिंले, श्रेष्ठ सानपणा ल्याले

    भीवरेच्या वाळुवंटीं, झाली वैष्णवांची दाटी
    ज्ञनियांची ज्ञानेश्वरी, नाचे अज्ञनांभीतरीं
    शुद्द समता वर्तली, मूढ अहंता खंडिली
    जन थोरले सानुले, एक्या पंगतीं जेवले

    सर्वांभूती रंगे देव, देई कवित्वासी खेंव
    दृष्य पाहिले आगळे, माझे दिपले गा डोळे!


गदिमा गौरव | Special Quotes
  • लेखक पु.भा.भावे:
    वास्तवतेतील गूढत्व व साधुत्व पाहावयासही माणसापाशी एक दृष्टी असावी लागते.माडगूळकरांचे पाशी ही दुर्मिळ दृष्टी आहे.ते नुसते आकाशाकडे पाहत नाहींत तर आकाशतत्त्वाकडे पाहतात.ह्या तात्त्विक दृष्टीनेच त्यांना आशयसंपन्न कथाचित्रे काढण्याचे सामर्थ्य दिले-अगदी दिवाकर कृष्णांपासून चालत आलेली चांगल्या कथांची परंपरा आज श्री.माडगूळकर चालवीत आहेत.
संबंधीत गाणी | Related Marathi Songs