गदिमा नवनित
  • वाईट तितुके इथे पोसले, भलेपणाचे भाग्य नासले
    या पृथ्वीच्या पाठीवर, ना माणसास आधार!
मराठी युनिकोड फॉन्ट
गदिमांची मराठी गाणी MP3 | Marathi Songs Of GaDiMa In Mp3
  • गदिमांनी वयाच्या १६-१७ वर्षीं मराठी चित्रपट सृष्टीत प्रवेश केला आणि बघता बघता माडगूळकर या नावाने मराठी चित्रपटसृष्टीत अनभिषक्त सम्राटपद निर्माण केले.मराठी चित्रपटात कथाकार, पटकथाकार, संवादलेखक, गीतकार, अभिनेता, निर्माता अश्या सर्व क्षेत्रात वावर केला.

    मराठी चित्रपटांसाठी त्यांनी १५७ पटकथा तर २००० पेक्षा जास्त मराठी गाणी लिहिली.त्यांच्या MP3 मराठी गाण्यांचा आस्वाद आता गदिमा वेबसाईटवरुन आपण घेऊ शकता.

    This Website Contains Marathi Songs Written By Legendary Marathi Author G.D.Madgulkar In MP3 Format,His Pen Contributed To As Many As 157 Marathi And 25 Hindi Films And More Than 2000 Marathi Songs!.Songs Are Distributed In Various Categories Like Children Songs (Balgeete),Patriotic Songs (Deshbhaktipar Geete),Devotional Songs (Bhakti Geete),Emotion Poetry Songs (BhavGeete),Traditional Dance Songs (Lavanya) And Original Marathi Film Songs.
  • Box-C-2
  • मज आणुन द्या तो हरिण अयोध्यानाथा
    Maj Aanun Dya To Harin Ayodhya Natha

  • गीतकार: ग.दि.माडगूळकर      Lyricist: Ga.Di.Madgulkar
  • संगीतकार: सुधीर फडके      Music Composer: Sudhir Phadke
  • गायक: सुधीर फडके      Singer: Sudhir Phadke
  • अल्बम: गीतरामायण (सुधीर फडके)      Album: GeetRamayan (Sudhir Phadke)





  •     MP3 player is mobile compatible
        (हा प्लेअर मोबाईल वर पण चालतो)

  • तोडितां फुलें मी सहज पाहिला जातां
    मज आणुन द्या तो हरिण अयोध्यानाथा

    झळकती तयाच्या रत्‍नें श्रृंगावरती
    नव मोहफुलांसम सुवर्ण अंगावरती
    हे नयन भाळले त्याच्या रंगावरती
    ते इंद्रचापसे पुच्छ भासलें उडतां

    तो येउन गेला अनेकदा या दारीं
    दिसतात उमटलीं पदचिन्हें सोनेरी
    घाशिलें शिंग या रंभास्तंभावरी
    तो दिसे सुवर्णी बघा देवरा, कांता

    चालतो जलद-गति, मान मुरडितो मंद
    डोळ्यांत कांहिसा भाव विलक्षण धुंद
    लागला मृगाचा मला नाथ हो छंद
    वेडीच जाहलें तृणांतरीं त्या बघतां

    किती किती मृगाचे लक्षण मी त्या गणूं ?
    त्या मृगास धरणें अशक्य कैसे म्हणूं ?
    मजसाठिं मोडिलें आपण शांकरधनू
    जा, करा त्वरा, मी पृष्ठि बांधितें भाता

    कोषांत कोंडिलें अयोध्येंत जें धन
    ते असेल धुंडित 'चरणां' साठीं वन
    जा आर्य, तयातें कुटिरीं या घेउन
    राखील तोंवरी गेह आपुला भ्राता

    सांपडे जरी तो सजीव अपुल्या हातीं
    अंगिंचीं तयाच्या रत्‍नें होतिल ज्योति
    देतील आपणां प्रकाश रानीं राती
    संगती नेउं त्या परत पुरीसी जातां

    जातांच पाहतिल हरिण सासवा, जावा
    करितील कैकयी भरत आपुला हेवा
    ठेवीन तोंवरी जपून गडें तो ठेवा
    थांबला कशास्तव धनुर्धरा हो आतां ?

    फेंकून बाण त्या अचुक जरी माराल
    काढून भाउजी घेतिल त्याची खाल
    त्या मृगासनीं प्रभु, इंद्र जसे शोभाल
    तो पहा, दिसे तो दूर टेकडी चढतां


गदिमा गौरव | Special Quotes
  • पु.ल.देशपांडे:
    महाराष्ट्रावर आणि मराठी भाषेवर तर माडगूळकरांचे अनंत उपकार आहेत.इतर काहीही देण्यार्‍या माणसापेक्षा समाजाला गाणे देणार्‍या माणसाचे उपकार फार मोठे असतात.'Song has the longest life' अशी एक म्हण आहे.एक गाणे माणसांच्या पिढ्यानुपिढ्या बांधून ठेवते. एवढेच कशाला?.माणसाच्या मनाचे लहानमोठेपण ,रागव्देष घटकेत घालवुन टाकण्याचे गाण्याइतके दुसर्‍या कुठल्याही कलेत सामर्थ्य नसते.हजारो माणसे एक गाणे जेव्हा आनंदाने गातात त्या वेळेला त्या हजारांचे एक अंतःकरण होते.माडगूळकरांनी तर अशी शेकडो गाणी महाराष्ट्राला दिली.चित्रपटांना दिली, तमाशाच्या फडात, देवळात, शाळेत, तरुणांच्या मेळाव्यात, माजघरात, देवघरात, शेतामळ्यात, विव्दज्जनपरिषदेत...त्यांच्या गाण्याचा संचार नाही कुठे?.मराठी नाट्यसृष्टीत जी कामगिरी कै.देवलांनी केली,त्याच तोलामोलाचे कार्य माडगूळकर यांनी मराठी चित्रसृष्टीत केले आहे...म्हणूनच आम्ही सर्व माडगूळकर कलावंशाचे वारसदार ('Madgulkar Boys') आहोत,हे सांगायला मला अभिमान वाटतो.
संबंधीत गाणी | Related Marathi Songs