गदिमा नवनित
  • पापण्यांत गोठविली मी नदी आसवांची
मराठी युनिकोड फॉन्ट
गीतरामायण (गायक व संगीत सुधीर फडके) | Geetramayan (Sung By Sudhir Phadke)
  • sudhir phadkeगीत रामायण हा एकाच कवीने वर्षभर रचलेला, एकाच संगीतकाराने संगीतबद्ध केलेला, वर्षभर अखंडितपणे चाललेला आकाशवाणीच्या इतिहासातील एकमेव, अभूतपूर्व असा संगीत कार्यक्रम ठरला १ एप्रिल १९५५ ते १९ एप्रिल १९५६ पर्यंत तो पुणे आकाशवाणीने प्रसारित केला.

    साधारण १९५३ साली पुणे आकाशवाणी हे केद्र सुरु झाले.श्री सीताकांत लाड नावाचे गदिमांचे मित्र कार्यक्रम नियोजक म्हणून पुण्याला आले होते नभोवाणीसाठी काहीतरी सातत्याने लिहावे, असा त्यांनी गदिमांना खूप आग्रह केला आणि एका महाकाव्याचा जन्म झाला.रामायणात वाल्मीकींनी २८००० श्लोकांत रामकथा लिहिली आहे.गदिमांनी तीच रामकथा एकूण ५६ गीतांत शब्दबध्द केली आहे.
  • Box-C-17
  • असा हा एकच श्रीहनुमान्
    Asa Ha Ekach Shri Hanuman

  • गीतकार: ग.दि.माडगूळकर      Lyricist: Ga.Di.Madgulkar
  • संगीतकार: सुधीर फडके      Music Composer: Sudhir Phadke
  • गायक: सुधीर फडके      Singer: Sudhir Phadke
  • अल्बम: गीतरामायण (सुधीर फडके)      Album: GeetRamayan (Sudhir Phadke)





  •     MP3 player is mobile compatible
        (हा प्लेअर मोबाईल वर पण चालतो)
  • तरुन जो जाइल सिंधु महान
    असा हा एकच श्रीहनुमान्‌

    भुजंग धरुनी दोन्हीं चरणीं
    झेपेसरशी समुद्र लंघुनि
    गरुड उभारी पंखे गगनीं
    गरुडाहुन बलवान्‌

    अंजनिचा हा बलाढ्य आत्मज
    हा अनिलाचा सुपुत्र क्षेत्रज
    निजशक्तीनें ताडिल दिग्गज
    बलशाली धीमान्‌

    सूर्योदयिं हा वीर जन्मला
    त्रिशत योजनें नभीं उडाला
    समजुनिया फळ रविबिंबाला
    धरुं गेला भास्वान्‌

    बाल-वीर हा रवितें धरितां
    भरें कापरें तीन्ही जगतां
    या इवल्याशा बाळाकरितां
    वज्र धरी मघवान्‌

    देवेंद्राच्या वज्राघातें
    जरा दुखापत होय हनुतें
    कोप अनावर येइ वायुतें
    थांबे तो गतिमान्‌

    पवन थांबता थांबे जीवन
    देव वायुचें करिती सांत्वन
    पुत्रातें वर त्याच्या देउन
    गौरविती भगवान्‌

    शस्त्र न छेदिल या समरांगणिं
    विष्णुवरानें इच्छामरणी
    ज्याच्या तेजें दिपला दिनमणी
    चिरतर आयुष्मान्‌

    करि हनुमन्ता, निष्चय मनसा
    सामान्य न तूं या कपिजनसा
    उचल एकदां पद वामनसा
    घे विजयी उड्डाण


गदिमा गौरव | Special Quotes
  • बा.भ.बोरकर
    वस्तुत: माडगूळकरांचे गीतरामायण प्रभूरामचंद्र सिंहासनस्थ झाल्यावर सुरनरांच्या जयजयकारांत संपते. पण माडगूळकरांची प्रतिभा ते तिथे संपवित नाहीत...छंद आणि स्वर विराम पावले तरी तिचे तेज सरणारे दु:ख आपल्या अंतरात रेंगाळतच रहाते.यथाकाळ या रामायणाने पुन्हा नवा अवतार घ्यावा म्हणूनच तर त्यांच्या हातुन हे घडले नसेल?एवढे मात्र खास की तोपर्यंत आणि त्यानंतर देखील यातील काही गीते गीतरामायणासारखी चिरंजीव होऊन राहतील आणि त्या बरोबरच माडगूळकरांचे-माझ्या बंधुतुल्य मित्राचे नाव देखील!.
संबंधीत गाणी | Related Marathi Songs