गदिमा नवनित
  • एकवार पंखावरुनी फिरो तुझा हात,
    शेवटचे घरटे माझे तुझ्या अंगणात.
मराठी युनिकोड फॉन्ट
गदिमांची मराठी गाणी MP3 | Marathi Songs Of GaDiMa In Mp3
  • गदिमांनी वयाच्या १६-१७ वर्षीं मराठी चित्रपट सृष्टीत प्रवेश केला आणि बघता बघता माडगूळकर या नावाने मराठी चित्रपटसृष्टीत अनभिषक्त सम्राटपद निर्माण केले.मराठी चित्रपटात कथाकार, पटकथाकार, संवादलेखक, गीतकार, अभिनेता, निर्माता अश्या सर्व क्षेत्रात वावर केला.

    मराठी चित्रपटांसाठी त्यांनी १५७ पटकथा तर २००० पेक्षा जास्त मराठी गाणी लिहिली.त्यांच्या MP3 मराठी गाण्यांचा आस्वाद आता गदिमा वेबसाईटवरुन आपण घेऊ शकता.

    This Website Contains Marathi Songs Written By Legendary Marathi Author G.D.Madgulkar In MP3 Format,His Pen Contributed To As Many As 157 Marathi And 25 Hindi Films And More Than 2000 Marathi Songs!.Songs Are Distributed In Various Categories Like Children Songs (Balgeete),Patriotic Songs (Deshbhaktipar Geete),Devotional Songs (Bhakti Geete),Emotion Poetry Songs (BhavGeete),Traditional Dance Songs (Lavanya) And Original Marathi Film Songs.
  • Box-C-2
  • पुजास्थान - गदिमांच्या आवाजात
    Pujasthan - Voice Of Ga.Di.Madgulkar

  • गीतकार: ग.दि.माडगूळकर      Lyricist: Ga.Di.Madgulkar
  • अल्बम: गदिमांच्या आवाजात      Album: Gadima Voice





  •     MP3 player is mobile compatible
        (हा प्लेअर मोबाईल वर पण चालतो)

  • त्या बकाल शहरी सकाळ कसली सागूं?
    लागली भराभर रहदारी पण रांगूं,
    उघडल्या लबाड्या,सुरु जाहल्या पेढया,
    चालती पाउलें,सुरु विजेच्या गाडया.
    सरपटत निघावी सांदीमधुनी गोम
    गर्दीत चालली तशी अजागळ ट्राम,
    खडखडत आपुले सहस्त्र फिरते पाय
    ती वळणावरती वळत वाकडी होय.
    वेगास अचानक आली कसली सुस्ती,
    बुचबुचे भोंवतीं ओंगळवाणी वस्ती.
    अप्सरा रात्रिच्या मजल्यावर वा खाली
    मिरविती कालच्या रंगामधली लाली.
    थांबली ट्राम,हो काहीतरि अपघात
    कुणि रती चमकली वरी घांसतां दांत
    कुणि केस उसकितां चकित बोलती झाली:
    हा,मुके जनावर मेले ट्रामेखाली!
    त्या जनावराच्या मरणी कुठलें लक्ष?
    औत्सुक्य चोरटें अवघ्या नयनीं दक्ष
    टकमका पाहती वखवखलेले नेत्र
    हे असेल दिसले काल कसे रे पात्र?
    ट्रामेत त्या की बसलो होतो मीही
    लाखांत एक मी,कुणी वेगळा नाही.
    मी खिडकीमधुनी निरखित होतो राण्या
    शृंगार शिळा तो,उसकटलेल्या वेण्या
    ते चुरगटलेल,उदालेले वेष,
    ते पलंग,गिरदया,संसाराचे नाश;
    ती आत टांगली उभी नागडी चित्रे,
    थुंकल्या विड्यांनी रंगविलेले पत्रे;
    ती कुरुपतेतिल क्षुद्र बेगडी कांती,
    पडुनिया गिलावा भकासलेल्या भिंती;
    ती विटंबनेतिल आनंदाची नीति,
    ती दिडकीसाठी रंगविलेली प्रीती!
    -हालली ट्रा, तो पुढे जराशी झाली
    अन डोळ्यांपुढती नवीच खिडकी आली.
    पाहिलें दृश्य ते पुन्हा सांगवत नाही
    रोमांच तरारुन काट भरला देही
    सुस्नात एकली तरुण त्यातली पोर
    नेसली पांढरे,लाल कपाठी कोर
    ये हळदीकुंकू गेउनिया तबकात
    खिडकीस पूजुनी तिने जोडिले हात.
    हा पूजा-विधिचा अघोर की अपमान!
    ती खिडकी का कधि होइल पूजास्थान?
    दे अन्न तयाची करितो मानव पूजा!
    कानांत ओरडे विचार माझा माझ्या.
    चालली ट्राम अन् क्षणांत आला वेग,
    मेंदूत राहिली जळत वांकडी रेघ
    विझवील काय ती कुण्या कवीचे ज्ञान?
    हे असेच का हो जन्मे पूजास्थान?


गदिमा गौरव | Special Quotes
  • पं.महादेवशास्त्री जोशी
    गीतरामायण म्हणजे आदर्शाचा उत्तुंग पुतळा म्हटला, तर गीतगोपाल म्हणजे त्याच्या भोवतीच बहरलेले कुंजवन म्हणता येईल.तिथे प्रणाम करायचा,इथे विहार!गीतरामायणाची वाणी ही भारलेली आहे.तर गीतगोपालाची वाणी झंकारलेली आहे.गीतरामायण हा मराठी शारदेच्या मखरात बसतांना घालायचा मुकुट तर गीतगोपाल हा तिचा हळदीकुंकुवाला जातांना गळ्यात रुळवायचा रत्नहार म्हणणे संयुक्तिक ठरेल..
संबंधीत गाणी | Related Marathi Songs